Бир жумадан бери 80ге жакын киши Баткен шаарында дайынсыз жоголгон аялды издөөдө

Дайынсыз жоголгонуна 10 күнгө жакындап калган Баткен шаарынын тургунун издөө иштеринен майнап чыкпай жатат. Бул тууралуу ӨКМнын маалымат кызматына шилтеме берип “Барометр” билдирет.

Баткен шаарында 23-ноябрь күнү Кызыл-Жол кварталынын тургуну 1975-жылы туулган Мактым Кожонова үйүнөн чыгып кетип, дайынсыз жоголгон.

“1-декабрь күнү издөө иштерин улантуу максатында КР ӨКМнин РӨКОнын №3 өзүнчө издөө куткаруу отрядынын куткаруучулары, ИИМден 10 кызматкер, жергиликтүү тургундардан жана туугандарынан 70 адам тартылып, саат 17:50дө кеч киргендигине байланыштуу издөө иштери токтотулду. Натыйжа болгон жок”, - деп айтылат билдирүүдө.