Баткенде жаңы Юстиция үйү ачылды

Бүгүн Баткен шаарында жаңы Юстиция үйүнүн салтанаттуу ачылышы болуп өттү. 

Бул объект региондун тургундарына сапаттуу кызматтарды көрсөтүүгө шарт түзөт, анын ичинде акысыз юридикалык консультациялар, мамлекеттик нотариустардын кызматтары, пробациялык кызматтар жана алыскы аймактардагы тургундарга колдоо.

Иш-чаранын алкагында Баткен облустук юстиция башкармалыгына Chevrolet Tracker үлгүсүндөгү автоунаанын ачкычтары жана заманбап компьютердик жабдуулар тапшырылды. 

Бул материалдык-техникалык базаны бекемдөөгө жана мекеменин ишин эффективдүү жүргүзүүгө мүмкүндүк берет.

Белгилеп кетсек өлкөнүн башка аймактарында дагы беш Юстиция үйүнүн ачылышы пландалууда, бул укуктук инфраструктураны чыңдоого жана кызматтарды жеткиликтүү кылууга багытталган.

Юстиция үйүнүн ачылышы Кыргыз Республикасынын 34-жылдыгынын майрамына туш келип, Баткен облусунун өнүгүүсүнө жана өлкөнүн укуктук системасын чыңдоого маанилүү кадам.