Бир күндө 3 адам сууга чөктү

Республикада бир күндө 3 адам сууга чөгүп каза болду. Бул тууралуу Өзгөчө кырдаалдар министрлигинин басма сөз кызматы билдирди.

Маалыматына ылайык, Жалал-Абад облусунун Аксы районундагы Бурана тилкесиндеги Кара-Суу суусунан 69 жаштагы эркек кишинин сөөгү табылган.

Талас облусунун Манас районундагы Чеч-Дөбө айылынын Саратай көлүнө 18 жаштагы жигит чөгүп кеткен.

Нарын облусунда Жумгал районунун Кара-Кече тилкесинде жайгашкан каналга 15 жаштагы өспүрүм бала чөккөн.