Бүгүн Ошто күчү 3 баллга жеткен жер титирөө болду

Бүгүн 14-августта эртең мененки саат 07:01де Ош облусунун аймагында күчү 3 баллга жеткен жер титирөө катталды. Бул тууралуу Кыргыз Республикасынын Улуттук илимдер академиясынын сейсмология институту билдирди. 

Жер титирөө Алай районунун Сары-Таш айылында 3 баллга, Ак-Босого, Кара-Киндик айылдарында 2,5 баллга чейин сезилген. Такталган маалымат боюнча, жер титирөөдөн жабыркагандар жана кыйроолор катталган жок.