Кореядан 12 кыргызстандык кайтып келди

Бүгүн, дүйнө жүзүн каптаган COVID-19га байланыштуу чартердик рейс менен Корея Республикасынан Кыргызстандын 12 жараны келди. Бул тууралуу Республикалык штаб билдирди.

Биздин жарандар «Asiana Airlines» Корея авиакомпаниясынын чартердик каттамы менен Алматы шаарынын эл аралык аэропортуна келишип, аларды Бишкек шаарына атайын транспорт менен КР Саламаттык сактоо министрлигинин кызматкерлери коштоп келди.

Бардык учуп келген жарандар бекитилген тартипте медициналык процедуралардан өтүү үчүн обсервацияга алынат.

КР Президентинин жана Өкмөтүнүн тапшырмасын аткаруу үчүн Тышкы иштер министрлиги Кыргызстандын жарандарын кайтаруу боюнча жүргүзүлгөн иштерди улантууда.