Базар-Коргондогу сел турак үйлөрдүн ичине кирди (Видео)

Базар-Коргон районундагы Арсланбап айылында сел жүрдү. Бул тууралуу ӨКМ басма сөз кызматына таянып "Барометр" билдирет. 

Кечээ, 16-июлда саат 15:00 чамасында Жалал-Абад облусунун Базар-Коргон районунда алдын ала алынган маалымат боюнча, жаап өткөн жамгырдын кесепетинен кокту-колоттордон келген сел суулары Арсланбап айылында жайгашкан 12 турак үйлөрдүн ичине кирген жана ички чарбалык унаа жолдорду каптаган.

"Жерине селдин кесепеттерин жоюу иш-чараларын жүргүзүүгө ӨКМдин Базар-Коргон райондук бөлүмүнөн ыкчам топ,  Таш-Көмүр шаардык №2 өзүнчө издөө куткаруу отрядынан 20 куткаруучусу жана жергиликтүү тургундардан 70 киши тартылган", - деп айтылат маалыматта.

Учурда жазалоо иштери жүрүүдө.