№1 колониянын медиги 3 кг баңги зат менен кармалды (Сүрөт)

№1 түзөтүү мекемесинин медициналык-санитардык бөлүмүнүн башчысы баңги зат менен кармалды. Бул тууралуу ЖАМКнын басма сөз кызматына таянып "Барометр" билдирет.

"Өкмөткө караштуу жазаларды аткаруу мамлекеттик кызматынын ички иликтөө кызматы №1 түзөтүү мекемесинин ыкчам кызматкерлери менен бирдикте жүргүзүлгөн атайын иш-чаралардын негизинде, бүгүн 7-августта болжол менен саат 09.50 чамасында №1 түзөтүү мекемесинин көзөмөл өткөрүү пунктунда мекеменин медициналык-санитардык бөлүмүнүн башчысы Т. З кармалып, текшерип-кароо учурунда анын колундагы эки даана баштыктын ичинен өзгөчө жыты бар, жашыл түстөгү, салмагы болжол менен 2 кг 975г. баңги зат табылды", - деп айтылат маалыматта.

Аталган факт КЖБРдин маалыматты эсепке алуу журналына №02-861-2020-000008 номери менен катталып, ЖАМКнын тергөө кызматы тарабынан тергөө иштери жүргүзүлүүдө.