Баракелде! Кыргызстан курама командасынын оюнчусу Виталий Люкс үчүнчү топту киргизди

Кыргызстандык футболчу Виталий Люкс үчүнчү топту киргизди.  Бул тууралуу Barometr.kg сайтынын спорттук кабарчысы Гулиза Авазова жеринен маалымдады. 

Кыргызстандын футбол боюнча курама командасы Дубайда өтүп жаткан Азия-2019 футбол боюнча беттеште биринчи таймда Филлипиндерди 1:0 эсебинде топ киргизип оюнду баштаган. 

Экинчи таймдын 51-мүнөтүндө команданын оюнчусу Виталий Люкс экинчи топту киргизип, оюнду 2:0 кылган.  Андан кийин бир аз убакыт өтпөй эле оюндун 77-мүнөтүндө Кыргызстандыктардын пайдасына Виталий Люкс үчүнчү топту киргизип, эсепти 3:0 кылды. Филлипин курама командасы бул аралыкта, тактап айтканда оюндун 88-мүнөтүндө бир гол киргизгенге үлгүрдү. Ошентип кырчылдашкан таймашта оюн 3:1 эсебинде болуп калды. 

Эске салсак, Кыргызстандыктар үчүн бул оюн чечүүчү оюн болуп эсептелип, утса мындан ары оюнга катышат. Ал эми утулуп калса үйлөрүнө кайтат.