Атамбаев: КСДПны бөлгөнгө, жаманатты кылганга аракеттер болуп жатат

Кыргызстандын мурдагы президенти учурда КСДПнын төрагасы Алмазбек Атамбаев партиянын 25 жашка толушу менен куттуктап кыргыз элине кайрылуу жасады. Аны партиянын маалымат кызматы таратты.

Кайрылууда КСДП партиясы элдин кызыкчылыгын коргоо менен адамдардын жыргалчылыгы үчүн иштегени , эркиндик жана адилеттүүлүк үчүн күрөшүп келгендиги. Бул үчүн үй-бүлөлүк – кландык режимдер башкарган жылдары партиялаштар ырайымсыз куугунтукка алынганы , жумуштарынан айдалып, кордук көргөнү айтылат. Бирок зөөкүрлөр бизди коркутуп, сындыра алган жок! Буга 2005 жана 2010-жылдарда болгон эки элдик революция далил дейт экс -президент. 

Белгилей кетсек, 1993-жылы 25-сентябрда “КСДП” партиясы түзүлгөн.