Атабек Азисбеков коло медаль үчүн күрөшөт

Кыргызстандын грек-рим стилиндеги күрөш боюнча балбаны Атабек Азисбеков Токиодогу Олимпиада оюндарында коло медаль үчүн күрөшүүгө мүмкүндүк алды. Бул тууралуу “Барометр” билдирет.

87 кг салмакка чейинки категориянын 1/8 финалында кыргызстандык Венгриянын балбаны Виктор Лоринцтен 1:6 эсебинде утутуп калган.

Лориц кийинки мелдеште немис балбанын жеңип, жарым финалда египеттик балбан менен күрөшүп, финалга чыкты.

Мындан улам Азисбеков коло медаль үчүн күрөшүүгө мүмкүндүк алды. 4-августта ал Германиянын балбаны Максимилиан Кудл менен жайгаруучу раундда беттешет.