Жалал-Абад облусундагы ашууларга кар көчкү түштү

10-февралда Жалал-Абад облусунун Чаткал районунда саат 08:30 чамасында Ала-Бука - Жаңы-Базар - Кировка унаа жолунун 99-101-чакырым аралыктарында (Чапчыма ашуусу) 500 кубометр жана Красная-Горка - Ак-Таш унаа жолунун 4-9- чакырым аралыктарында (Капчыгай тилкеси) 3500 кубометр кар көчкү түшүп, унаа жолдор жабылган. Бул тууралуу ӨКМдин басма сөз кызматы билдирди. 

Тазалоо иш-чараларын жүргүзүү үчүн, №27 ЖТИ 2 жүктөгүч, 1 бульдозер жана 1 грейдер тартылып, саат 10:30да унаа жолдор бир тараптуу ачылган. 

Учурда толук тазалоо иш-чаралары жүргүзүлүүдө. (Жеринде байланыш жок болгондугуна байланыштуу КР ӨКМне маалымат кечиктирилип берилген).

Кошумча маалымат берилет.