Арыстагы жарылууда 350дөн ашык адам жоголду, учурда 3 адам гана табылды

Арыс шаарында болгон жарылуудан кийинки эвакуация маалында 350дөн ашык адам жоголду. Жоголгондордун тизмесинен учурда 3 адам гана табылды. Бул тууралуу Otyrar.kz булагы кабарлады.

Арыс шаарынын тургундарынын эсебин алууну Шымкен шаарындагы борбордук мечитте өрт өчүрүү кызматкерлери жүргүзүп жатат.

26-июнда кызуу линияга 50 миңден ашык адам жакындарын издеп телефон чалган.

Учурда Шымкент шаарында 42 кабыл алуу-эвакуациялык пункт иштеп жатат.Баардыгы болуп 20 миңден ашык жаран шаардан эвакуацияланганы маалымдалды.