Ананьевада катуу жааган жамгырдан төрт үйдү суу каптады

Ананьевада катуу жааган жамгырдан төрт үйдү суу каптады. Бул тууралуу ӨКМдин басма сөз кызматына таянып "Барометр" билдирет.

Кечээ, 3-сентябрда Ысык-Көл районунун Ананьева айылында  саат 14:20 чамасында жаап өткөн жамгырдын кесепетинен Көк-Дөбө айылында сел жүрүп, 4 турак үйдүн короосун суу каптаган. 

Жерине Ысык-Көл райондук №31 өрткө каршы куткаруу бөлүгүнүн   куткаруучулары, жергиликтүү тургундардан 5 киши жана айыл аймактан 1 экскаватор тартылды.

Тартылган күчтөрдүн жардамында саат 19:00дө тазалоо иштери толук аяктаган.