Алып баруучу Нурзат Токтосунова: "Адамды макташ үчүн эл тааныш керек да"

Алып баруучу Нурзат Токтосунова "Адамга көзү тирүүсүндө жылуу сөз арна" деген флешмоб баштады. Бул тууралуу ал өзүнүн социалдык баракчасына киргизди. 

"Кыргыз ынтымакка келип, жөлөшүп-таяшып, өнүгүп кеткиси бардыр. Алгачкы биз дарегине жакшы сөз айтып, мактап кубаттай турчу адамдардын тизмесинен кимди көрүүнү каалаар элеңиз?"- деп интернет колдонуучуларга кайрылды. 

"Сөзсүз эле чыгармачыл, элге таанымал адам болуш керекпи? Башка адамдар жакшы сөзгө муктаж эмеспи?"-деген ой-пикирлер дагы интернет колдонуучулар тарабынан айтылды. Буга алып баруучу: "Макташ үчүн эл тааныш керек да"-деп жооп берди. 

Мындай демилге мезгилсиз өтүп кеткен алып баруучу Салтанат Саматова жана журналист Уланбек Эгизбаевди жоготуудан кийин жаралды.