Ала-Тоо аянтында эски саясатчылардын кызматтык дайындоолоруна каршы митинг болуп жатат (видео)

Бишкектин Ала-Тоо аянтында кайрадан митинг өтүп жатат. Алар өздөрүн-өздөрү кызмат орундарына дайындап алан бир топ эски саясатчыларга каршы акция өткөрүп жатышат.

Алардын айтымында, өлкөдө кайрадан эле эски, таза эмес саясатчыларды мыйзамсыз дайындоолор болуп жатат.

Митингге Жанар Акаев, Мирлан Жээнчороев келди. Катышуучулар импичмент деп кыйкырып жатышат.

Мирлан Жээнчороев: "Өкмөттүн шайлоосу ачык өтүшү керек. Парламенттерди чогултуп, легетимдүү шайлоо болуш керек. Бүгүн депутаттар жумушка чыксын. Бүгүн депутаттар кечке чейин жумушка чыкпаса ар бирөөн үйнүнөн алып чыгабыз", - деди.

Ошондой эле, митингчилер боз үйлөрдү тигип, жаңы дайындоолорду күтүүнү сунушташты. Бул сунуш дүркүрөгөн кол чабуулар жана колдоолор менен коштолду.