Ала-Арча суу сактагычынан аял кишинин сөөгү табылды

Бишкек шаарынын Аламүдүн районунда куткаруучулар Ала-Арча суу сактагычынан болжол менен 30-35 жаштар чамасындагы аялдын сөөгүн алып чыгышты. Бул тууралуу КРнын Өзгөчө кырдаалдар министрлигинин басма сөз кызматына таянып “Барометр” билдирет.

Маалым болгондой, аял 15-сентябрь күнү саат 15:35 чамасында сууга кулап түшкөн.

Издөө иштеринин натыйжасында куткаруучулар чөгүп кеткен аялдын сөөгүн табышты.

Учурда анын өздүгү такталууда.

Каза болгон аялдын сөөгү милиция кызматкерлерине өткөрүлүп берилди.