Акжол Махмудов: Жеңишимди кыргыз элиме арнайм (видео)

Балбан Акжол Махмудовдун Токиодо өткөн Олимпиада оюндарында финалга чыккандан кийинки алгачкы эмоцияларын видеого тартышкан.  

Видеодо Акжол жеңишин кыргыз элине арнай турганын айтты.

Эскерте кетсек,  Кыргызстандн грек-рим күрөшү боюнча балбаны Акжол Махмудов Токиодо өтүп жаткан Олимпиада оюндарында финалга чыккан. Спортчу бүгүн, 2-августта 77 кг салмакка чейинки категорияда турнирге чыкты. Баардыгы болуп 16 спортчу  1/8 финалында беттешкен.Махмудовдун биринчи атаандашы Тунистен келген Маафи Ладжед болду, аны кыргызстандык 11:0 эсебинде жеңип, чейрек финалга аттанган.

1/4 финалда Махмудов Азербайжандын балбаны Рафиг Хусейнов менен беттешти. Аны да 9:1 эсебинде жеңип алып, жарым финалга жолдомо алды.Финалга чыгарда кыргыз балбаны Армениянын балбаны Карапет Чалян менен кармашып, 6:2 эсебинде жеңди.

Финалдык беттеште Махмудов Виктор Лоринц (Венгрия) менен килем үстүнө чыгат. Күрөш эртең, 3-августта болот.