Айсулуу Тыныбекова финалга чыкты

Токиодогу Олимпиада оюндарында Айсулуу Тыныбекова финалга чыкты. Бул тууралуу “Барометр” маалымдайт.

Ал 3-августта 62 кг салмакка чейинки категорияда турнирге катышты. Баардыгы болуп баштапкы этапта 16 спортчу ат салышты.

1/8 финалда Тыныбекова Латвиядан келген Анастасия Григорьеваны 8:0 эсебинде жеңип, чейрек финалга чыкты. Чейрек финалда Румыниянын балбаны Крист Тунде Инчени жеңип алды.

Финалга чыгарда кыргызстандык кыз Украинанын балбаны Ирина Коляденкону жеңип алып, жолдомо алды.

Алтын медаль үчүн беттеште Тыныбекова эртең, 4-августта Япониянын балбаны Юкако Каваи же болбосо болгариялык Тайбе Юсеин менен күрөшөт, анткени атаандашы азырынча аныктала элек.