12 жаштагы блогер кыз тапкан акчасына кымбат баалуу унаа сатып алды

Төрт жашынан макияж жасоону өздөштүргөн таиланддык Наттанан Санунрат таланты менен социалдык трамактарда жылдызга айланды. Ал тапкандарын майда нерселерге жумшабай өзүнө 6 миллион батка кымбат унаа белек кылганын Life.ru сайты жазды.

Ал автоунаны алты жашынан айдаган. 12 жаштагы Наттанан Санунраттын бутунун педалдарга жетпегени өзүнө унаа белек кылууга тоскоол болгон жок.

Сулуулоо иштери менен кыз төрт жашынан баштап алектенет. Бул ишти алгач апасынын косметикалык каражаттарын пайдалануу менен баштаган. Ошондон тарта эмгектери боюна видеороликтерди социалдык тармактарда жарыялап келет.