1-февралда Кыргызстандын көпчүлүк аймактарында кар жаайт

1-февралда Кыргызстандын көпчүлүк аймактарында мезгил-мезгили менен жамгыр, кар, тоо этектеринде жана тоолуу райондордо кар жаайт. Бул тууралуу “Кыргызгидромет” борбору берген маалыматка таянып “Барометр” билдирет.

Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы:

Чүй облусунда +5...+10°,

Талас облусунда +6...+11°,

 Ош, Жалал-Абад жана Баткен облустарында +9...+14°,

Ысык-Көл облусунда +2...+7°,

Нарын облусунда -1...-6° болот.

Бишкек шаарында кар жаайт. Абанын температурасы +8...+10° жылуу болот.