Экс-президент Роза Отунбаеванын иниси АКШга элчи болду

Болот Отунбаев АКШнын элчиси болуп дайындалды. Бул тууралуу президенттик аппараттын басма сөз кызматы билдирди. 

Тиешелүү буйрукка президент Сооронбай Жээнбеков бүгүн 15-январда кол койду. Белгилүү болгондой Болот Отунбаев экс президент Роза Отунбаеванын иниси. 

Ал 1987-жылы Ломоносов атындагы Москва мамлекеттик университетинин тарых факультетин аяктаган. 1990-1993-жылдары аталган окуу жайда аспирантурада окуп, тарых илимдеринин доктору болгон. 1993-жылы ушул эле окуу жайдын Жогорку башкаруучулук мектебин аяктаган. 2000-жылы Россиянын Тышкы иштер министрлигинин дипломатиялык академиясын аяктаган.

Эмгек жолу:

• 1987-1990 — Бишкек шаарындагы №67 мектепте мугалим;
• 1993-1995 — Түркиянын эл аралык кызматташуу агенттигинин Бишкектеги кеңешчиси;
• 1995-1996 — Түркиянын эл аралык кызматташуу агенттигинин Анкарадагы борбордук кеңсесинде кеңешчи;
• 1996-1998 — Түркиянын эл аралык кызматташуу агенттигинин Кыргызстандагы туруктуу өкүлү;
• 1998-2003 — Кыргызстандын Россиядагы элчилигинин биринчи катчысы;
• 2003-2005 — КР Тышкы иштер министрлигинин батыш мамлекеттери жана ЕККУ башкармалыгынын жетекчиси;
• 2005 — КР Тышкы иштер министрлигинин Чыгыш мамлекеттери башкармалыгынын жетекчиси;
• 2005-2009 — Кыргызстандын Түркиядагы элчилигинде кеңешчи;
• 2010 — КР Жогорку Кеңешине КСДП партиясынын тизмеси боюнча талапкер;
• 2010-2012 — КСДП партиясынын республикалык штабында координатор, саясий кеңештин мүчөсү;
• 2012-2015 — Кыргызстандын Германиядагы толук ыйгарымдуу элчиси;
• 03.2016 — 01.2019 — Кыргызстандын Россиядагы толук ыйгарымдуу элчиси.
• 15.01.2019 — Кыргызстандын АКШдагы толук ыйгарымдуу элчиси.

 Эске салсак, АКШнын мурунку элчиси Кадыр Токтогулов 14-январда кызматынан бошотулган.