Чыңгыз Айтматовдун бейитиндеги түндүк калыбына келтирилди

Теле алып баруучу Ассоль Молдокматова “улуу жазуучу Чыңгыз Айтматовдун бейитиндеги түндүк калыбына келтирилди” деп маалымдаганын "Барометр" билдирет.

«Ата-Бейит» мемориалдык комплексине Аскар Айтматов жана Ассоль Молдокматова барып жазуучуну эскерип гүл коюшуп, куран окушту. Азыркы учурда түндүктү сырдоо иштери жүрүп жатат.

“Түндүк боюнча жагдай тез чечилгени жакшы болду”,-деп билдирди алып баруучу.

Буга чейин Чыңгыз Айтматовдун бейтиндеги түндүктү адып салышканы маалым болуп, аталган окуя социалдык тармактарда кызуу талкууну пайда кылган.