БШК: Жакын арада парламенттик шайлоо дайындалат

Жакын арада парламенттик шайлоо дайындалат. Бул тууралуу Борбордук шайлоо комиссиясынын мүчөсү Тынчтык Шайназаров эфир маалында билдиргенин “Барометр” кабарлайт.

Ал жарандардан өздүк маалыматтарын Мамлекеттик каттоо кызматына кайрылып тактоону өтүндү. Жарандардын жашаган жери менен паспортто катталган жери дал келиши керек.

“Шайлоого чейин 90 күн калганга чейин сиздер дал келтирүүңүздөр керек. Жакын арада шайлоо өткөрүү күнү дайындалат. Мен жарандардын бир апта убактысы бар деп айтат элем”, - деп билдирди Шайназаров.

Эскерте кетсек, буга чейин парламенттик шайлоо ноябрь айында өтүшү мүмкүн экени айтылган.