Бишкек-Ош унаа жолунда кырсыктан 7 адам жабыркады

Кара-Сууда айдоочу рулга ээ боло албай, тосмону сүзгөн. Бул тууралуу ӨКМдин басма сөз кызматына таянып "Барометр" билдирет.

Кара-Суу районунда саат 05:49 чамасында Бишкек-Ош унаа жолунун 590-чакырымында “Мерседес Спринтер” үлгүсүндөгү унаанын айдоочусу рулга ээ боло албай жолдун четиндеги тосмону сүзгөн.

Кырсыктын кесепетинен 2 аял киши жана 5 эркек киши  жабыркаган (аты жөндөрү такталууда). 

КР ӨКМнин Ош шаардык башкармалыгынын Куткаруу кызматынын куткаруучулары жабыркаган адамдарды унаадан чыгарышып тез жардам кызматкерлерине өткөрүп беришкен.