Анжелика: Алдыда дагы бир оор операция улуу кызым Айымага жасалат

Ырчы Анжелика жакында улуу кызы Айымага оор операция жасаларын айтты. Бул тууралуу ырчы кыздын соцтармактагы баракчасына жазылган маалыматка шилтеме берип “Барометр” билдирет.

“Туугандарым ыйлап келип, ыйлап кетип жатышат. Кантип аларды соороторумду билбейм.

Эми алдыда дагы бир чоң операция күтүп жатат. Чоң кызым Айымага жасала турчу операция.

Жаратканым жар болсун. Элим бизге дуа кылып коюңуздарчы”, - деп жазды ырчы.

Эске сала кетсек, ырчы Анжелика Кайратова 23-январда кыздары менен Бишкектен Караколго бара жатканда кырсыкка кабылганы айтылган. Ырчы жана анын кичүү кызы оор жаракат алып, ооруканага жеткирилген. Анжеликага жана кызы Айлинге Бишкекте операция жасалган.