10 градуска чейин жылыйт. Февралда кандай аба ырайы күтөт?

Кыргызгидромет агенттиги Кыргызстан боюнча февраль айында кандай аба ырайы күтүп турганынын божомолун жарыялады. 

Чүй облусу

Абанын айлык орточо температурасы климаттык норманын чегинде болуп, -1...-3° суук болот. Чүй өрөөнүнүн түндүгүндө, Кемин өрөөнүндө жана тоо этектериндеги райондордо -4…-6° суук болушу мүмкүн.

Ай ичинде абанын температурасы түнкүсүн -3…-8° сууктан -10…-15° суукка чейин өзгөрүлүп турат.  Күндүз -1…-6° сууктан +3…+8° жылуулукка чейин өзгөрүлүп турушу күтүлөт, ай аягында абанын күндүзгү температурасы 8…13° жылуулукка чейин жогорулашы мүмкүн.

Жаан-чачындын айлык көлөмү нормага жакын болуп, Чүй өрөөнүндө 29-35 мм, тоо этектериндеги райондордо 18-29 мм. болот.

Талас облусу

Абанын айлык орточо температурасы климаттык норманын чегинде болуп, -2…-4° суук болушу күтүлөт.

Ай ичинде абанын температурасы түнкүсүн -3…-8° сууктан -11…-16° суукка чейин, күндүз -1…-6° сууктан 4…9° жылуулукка чейин өзгөрүлүп турат.

Ай аягында абанын күндүзгү температурасы 8…13° жылуулукка чейин жогорулашы мүмкүн. Ай ичинде, кээ бир күндөрү абанын температурасы түнкүсүн -17…-22°, күндүз -4…-9° суукка чейин төмөндөшү күтүлөт.

Ош, Жалал-Абад жана Баткен облустары

Абанын айлык орточо температурасы климаттык норманын чегинде болуп, -1°...+1° жылуулукка чейин, тоо этектериндеги райондордо -1…-3° суук болушу күтүлөт.

Ай ичинде абанын температурасы түнкүсүн -3…-8° сууктан +3º жылуулукка чейин, күндүз 2…7° жылуулуктан 8…13° жылуулукка чейин өзгөрүлүп турат. Ай аягында абанын күндүзгү температурасы 12…17° жылуулукка чейин жогорулашы мүмкүн.

Нарын облусу

Абанын айлык орточо температурасы климаттык норманын чегинде болуп, -10…-12°, Кочкор районунда -5…-7° суук болушу күтүлөт.

Ай ичинде абанын температурасы түнкүсүн -8…-13° сууктан -18…-23° суукка чейин өзгөрүлүп турат. Ат-Башы районунда ай ичинде кээ бир күндөрү абанын температурасы түнкүсүн -22…-27° суукка чейин төмөндөшү мүмкүн. Күндүз 0…-5° сууктан -8…-13° суукка чейин өзгөрүлүп турушу күтүлөт.

Ысык-Көл облусу

Абанын айлык орточо температурасы климаттык норманын чегинде болуп, -1…-3°, Ысык-Көл ойдуңунун чыгышында -4…-6° суук болушу күтүлөт.

Ай ичинде абанын температурасы түнкүсүн -3…-8°, Ысык-Көл ойдуңунун чыгышында -7…-12° суук болушу күтүлөт. Күндүз -2°...3° жылуулуктан 3…8° жылуулукка чейин өзгөрүлүп турушу күтүлөт.