Жылдыз Бакашова КТРКнын убактылуу жетекчиси болуп дайындалды

Бүгүн, 6-октябрда КТРКнын Байкоочу кеңешинин чукул жыйыны болуп, анда КТРКнын башкы директору Жайнак Үсөн уулунун өз каалоосу менен кызматтан кетүү жөнүндө арызы каралды. КТРКнын Улуттук Ассамблеясынын мүчөлөрү бир добуштан добуш беришти жана арызды кабыл алышты.

Башкы директордун кызматтан кетишине байланыштуу, өлкөдөгү коомдук-саясий кырдаал турукташканга чейин КТРКнын убактылуу башчысын дайындоо чечими кабыл алынды.

Эл өкүлдөр жыйынынын мүчөлөрү КТРКнын башкы директорунун милдетин аткаруучу кызмат ордуна Жылдыз Бакашованын талапкерлигин сунушташты.

Добуш берүүнүн натыйжалары: катышып отургандардын ичинен КТРКнын Улуттук Ассамблеясынын 11 мүчөсү Бакашовага бир добуштан добуш беришти.

Жылдыз Бакашова 2020-жылдын 6-октябрынан баштап КТРКнын башкы директорунун милдетин аткаруучу болуп иштейт.