Жылдын таасирлүү адамы ким болду? Time журналы "Жылдын адамын" аныктады

Америкалык Time журналы "Жылдын адамы" наамын жарыялады. 2020-жылы басылманын авторлору бул статусту эки талапкерге: демократиялык партиядан президенттикке талапкер Жо Байденге жана вице-президент Камала Харриске ыйгарды. Бул тууралуу басылманын сайтындагы маалыматка шилтеме берип “Барометр” билдирет.

Time журналынын редакторлору Байденди АКШнын жаңы шайланган президенти деп атап, анын COVID-19 пандемиясына олуттуу карагандыгын баса белгилешкен. Басылма Байден менен Харрис бир кезде атаандаш болгонун, эми алар өнөктөш болуп калганын баса белгилешти.

Жыйынтык чыгардан бир күн мурун, журнал даражалуу сыйлыкка ат салышып жаткандардын тизмесин жарыялаган, анын катарына америкалык саясатчылар Дональд Трамп жана Джо Байден, инфекциялык адис Энтони Фаучи жана коронавирус пандемиясы учурунда адамдарды сактап калуу үчүн өмүрүн тобокелге салган медицина кызматкерлери кирген. Мындан тышкары, АКШнын кара терилүү тургуну Джордж Флойдтун өлтүрүлүшү менен башталган расалык акыйкаттык үчүн Black Lives Matter кыймылы да көрсөтүлгөн.

2019-жылы Time журналынын “Жылдын адамы” сыйлыгын 16 жаштагы шведдик мектеп окуучусу Грета Тунберг алган. Ал бул даражалуу сыйлыкка БУУнун саммитинде дүйнө лидерлерин катуу сынга алып сүйлөгөн сөзүнөн кийин жеткен. Өспүрүм кыз саясатчыларды анын таттуу балалыгын уурдап, аларды климаттын өзгөрүшүнө каршы күрөшүп жатат деп айыптаган. Андан көп өтпөй Тунбергдин эмоционалдуу цитаталары дүйнөлүк басылмаларда байма-бай чагылдырылып, кыз “Нобель” тынчтык сыйлыгына көрсөтүлгөн.