Жалал-Абадда жол кырсыгынан 2 кыз жана 9 жаштагы өспүрүм каза болду

Жалал-Абад облусунун Таш-Көмүр шаарында унаа Нарын дарыясына кулап кеткен. Кырсыктын кесепетинен 3 адам каза болуп, 5 адам ар кандай жаракат алышкан. Бул тууралуу ӨКМнын маалымат кызматына таянып “Барометр” билдирет.

“Таш-Көмүр шаарынын Бишкек-Ош унаа жолунун 449-чакырымында “Тойота-Виш” үлгүсүндөгү унаа жолдон чыгып, Нарын дарыясынын  жээгинен болжол менен 50-60 метр бийиктиктен кулап кеткен. Кырсыктын кесепетинен 2 кыз жана 9 жашар бала (аты жөнү такталууда) каза болуп, 5 эркек адам (аты жөндөрү такталууда) ар кандай жаракаттарды алышкан”, - деди аталган министиликтин маалымат кызматы.

Куткаруучулар каза болгон жана жабыркаган адамдарды унаадан чыгарышып, тез жардам кызматкерлерине өткөрүп беришкени маалым болду.