Ырчы Мирбек Атабеков үй-бүлөсү менен Кыргызстанга кайтып келди

Ырчы Мирбек Атабеков Кыргызстанга келди. Бул тууралуу ырчынын жубайынын соцтармактагы баракчасына жазылган маалыматка шилтеме берип “Барометр” билдирет.

Маалыматта, ырчы жубайы жана балдары менен бүгүн, 5-март күнү таңга жуук Кыргызстанга учуп  келгени айтылат.

“Чарчагандан көзүмдүн алдыларына көк пайда болуп кетти. 20 саатан ашык убакыт уктабай жол жүрдүк. Эми, Кыргызстандын абасына адаптация болгуча убакыт керек”, - деп жазган ырчынын жубайы.

Ага утурлай эле, Мирбек Атабеков өзү да соцтармактагы баракчасына 8-март айымдардын майрамынын урматына уюштурулуп жаткан шаарыбыздагы ресторандардын бириндеги кечеде ырдай турганын жазды.

Эске сала кетсек, ырчы үй-бүлөсү менен 2020-жылдын январь айында Америкага чыгып кеткен.