Улан Саляновдун өлүмүнө жогору жактан буйрутма түшкөн

10-октябрь күнү, Биринчи май райондук сотунда, экс-ген прокурор Аида Салянованын бир тууган иниси, Улан Саляновдун өлүмү боюнча соттук иш жүрдү.

Сот отурумунда, Олег Тярт аттуу жаран суралып, ал Эрмек Осмонкулов аттуу кылмышка шектүүнү (учурда абакта отурган), 2017-жылы  ноябрь айынын ортосунда көргөнүн жана аны аныктап берээрин айткан. 

«Тергөөчү «Жогорку кызматтагы адамды алуу  үчүн атайын бул иш  сунуш катары түшкөн эмес беле?» деген суроого, Трят бул суроого толук кандуу жооп бере албасын, 2017-жылы ноябрь айынын ортосунда, Эрмек аттуу шектүү ага жогору жактагы адамдар тарабынан, ага тоскоол болуп жаткан бир адамды өлтүрүү боюнча сунуш түшкөнүн, эгер бул иш жасалса, ага Ош шаарында жасалган кылмыш ишин жабуу боюнча сөз бергенин айтты. Күбөнүн айтымына караганда,Эрмек ал сунушту ким бергенин жана кимди өлтүрүш керек экендигин толук айткан эмес. Эрмек Ош шаарында жасаган кылмышы үчүн ал издөөдө жүргөн. Ошол себептен, эгер Эрмек, бирөөнү ордунан алуу үчүн кылмыш иш жасаса, кимдир бирөө ага буга чейин жасаган кылмыш ишин жабууга жардам берээрин айткан. Бул иш  үчүн канча акча берилээрин толук айткан жок» - деди Аида Салянова. 

Улан Салянов 2017-жылдын 6- ноябрында, Бишкек шаарындагы Көк-Жар айылында жайгашкан, өзүнүн үйүндө киши колдуу болуп каза тапкан. 

3 белгисиз жаран Улан Саляновдун үйүнө кирип келишкен. Аларга У.Салянов каршылык көрсөткөндө, ага карай ок атылып өлтүрүлгөн. Кылмышка шектүү үч жаран кармалган.  – Эрмек Осмонкулов, 1986-жылы туулган, 2017-жылы 27-ноябрында кармалган. Асанэмир Абыкулов, 1983-жылы туулган, 2018-жылдын январь айында Москва шаарында кармалган. Заур Насруллаев, 1988-жылы туулган, Орусия мамлекетинин жарандыгын алган. 2018-жылдын август айында Екатеринбург шаарында кармалган.