Түркияда кыргызстандык куткаруучулар 10 адамдын жансыз денесин таап уранды алыдынан чыгарышты

Түркияга Кыргызстандан барган куткаруучулар жалпы 10 адамдын жансыз денесин таап уранды алыдынан чыгарышты. Бул тууралуу ӨКМнын маалыматына шилтеме берип “Барометр” билдирет. 

Маалым болгондой, ӨКМдин  куткаруучулары  издеп-куткаруу иш-чараларын жүргүзүүнүн натыйжасында  8 адамдын жансыз денесин таап чыгарып беришти.

“Кыргызстандан барган куткаруучулардын башчысы, подполковник Ырысбек Жолдошбаев дагы 2 кишинин денеси кинологдордун иттери аркылуу табылып, урандынын астынан чыгаруу иштери жүргүзүлүп жаткандыгын белгиледи.

Издөө-куткаруу иштери түнү менен уланып куткаруучулар эки  объектиде иш алып бара тургандыгы айтылды”, -деп жазылат маалыматта.

Белгилей кетсек, зилзаланын кесепетинен кече, 8-февралда каза болгондордун саны 9057ге жеткенин Хатайга келген Түркиянын президенти Режеп Тайып Эрдоган билдирген. Анын айтымында, 52 миң 979 адам жабыркап, 6444 имарат талкаланган.