Түркияда жаңы учкучсуз учкан чабуул жасоочу аппараты даяр болду

Түркиянын жаңы учкучсуз учуучу аппараты Анка-2 алгачкы учуусун ишке ашырууга даярдалууда. Бул тууралуу ТРТ басылмасы жазып чыкты.

Маалыматка ылайык, бул боюнча түрк авиация жана космостук өнөр жайы акционердик коомунун башкы директору Темел Котил: 

«Анка-2нин моторун 2 күн мурда иштеттик. Унаабыздын алгачкы учуусу үстүбүздөгү жылда ишке ашат», -деген маалыматын берген.

Орто аралыкка атуучу, асманда көпкө кала алган, 2 мотордуу Анка-2, чалгындоо, байкоо, чабуул милдеттерин ишке ашыра алат.

25 миң фут бийиктик, 24 саат тынымсыз учуу өзгөчөлүгүнө ээ болгон Анка-2, 700 килограммдан ашык пайдалуу жүк ташый алат.