Трамп менен Эрдоган Саудиялык журналист Хашоггинин өлүмү тууралуу талкуулашты

АКШнын президенти Дональд Трамп жана Түркиянын президенти Тайып Эрдоган телефон аркылуу сүйлөшүүсүндө  Саудиялык журналист Хашоггинин өлүмүнүн иши тыкыр иликтенүүгө алынышы керек экендигин белгилешти. Буга чейин "Анадолу" маалымат агенттигинин жазганы боюнча шилтеме берип, Тайып Эрдоган журналисттин консулдуктун ичинде өлгөндүгү тууралуу бардык чындыкты айтарын маалымдаган. 

Сауд Арабиясынын бийлигин кескин сындап келген журналист Жамал Хашогги 2-октябрда Стамбулдагы Саудиянын консулдугуна кирип кеткен бойдон чыккан эмес. Анкарадагы бир катар бийлик өкүлдөрү "Хашоггини Саудиянын бийлик өкүлдөрү өлтүрүп коюшу мүмкүн" деп эсептесе, Эр-Рияд адегенде мындай дооматтарды четке кагып келген. 

Хашогги Сауд Арабиясынын консулдугунда каза тапканын Эр-Рияд 20-октябрда гана моюнуна алып, жыйынтыгында күнөөлүү деп 18 адам камалган.