Тогуз-Тородо мектептин кошумча корпусу өрттөнүп кетти

Жалал-Абад областынын Тогуз-Торо районунда мектептин кошумча корпусу күйүп кетти. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” маалымдайт.

Аталган кабарга таянсак, Абдыжапаров атындагы мектептин чатырында өрт чыкканы тууралуу кабар түнкү саат 00.10до келген.

Кырсык болгон жерге эки өрт өчүрүүчү унаа,10 куткаруучу тартылды. Саат 01.03тө өрт чектөөгө алынып, саат 7.10до толук өчүрүлдү.

Тилсиз жоонун кесепетинен аянты 480 чарчы метр болгон имарат толук күйүп кетти.