Тишин жулган доктурга ачууланган киши миллионер болду

Австралиянын Квинсленд штатынын Кеперра шаарынын тургуну тиш доктурга барып, ал тишин жулуп салганына нааразы болгон. Болору болгондон кийин ал тишин ыргытпастан талисман катары сактоону эп көргөн.

Дантисттен чыгары менен өзүнүн маанайын көтөрүү үчүн талисманы менен лотереянын билетин алган.

Ошол эле күнү ойнотулган лотереяда ал миллион австралия долларын (48 миллиондон ашык сом) утуп алган. Көңүлү көтөрүлгөн киши акчаны насыясына төлөп, үй-бүлөсүнүн кем-карчы үчүн колдоно турганын билдирди.