Террордук уюмдун пропагандасын уюштурган киши кармалды - сүрөт

Улуттук коопсуздук мамлекеттик комитети өткөргөн контртеррористтик иш-чаралардын алкагында 1996-жылы туулган Ю.М. аттуу киши кармалды. Бул тууралуу УКМКнын маалымат кызматы билдирди.

Ага ылайык, аталган жаран 2019-жылдын аягында Сирия аркылуу эл аралык террористтик уюмдун катарына өтүүнү пландаштырып, Кыргызстандан чыгып кеткен.

“Ал кайра эл аралык террордук уюмдун тапшырмасы менен кайрадан КРга келип, алардын пайдасына пропагандалык ишти уюштурган”, — деп айтылат маалыматта.

Аталган факты Кылмыштардын жана жоруктардын бирдиктүү реестрине катталып, кармалган адам УКМКнын тергөө абагына киргизилди.

Учурда ыкчам-тергөө иш-чаралары жүрүп жатат.