Тажикстан менен чектешкен аймактан 2 миллион сомдук аткезчилик товар кармалды

Лейлектеги чек ара отрядынын чек арачылары Жаңы-Жер айылынан Кыргызстандын эки жаранын кармады. Бул тууралуу Чек ара кызматынан кабарлашты.

Ага ылайык, кармалган жарандар Кыргызстандын аймагына көзөмөл өткөрүү пункту жайгашпаган жерден 19 тонна кургатылган жер-жемишти алып кирүүгө аракет кылышкан.

Renault Premium үлгүсүндөгү автоунааны текшерген маалда баасы 2 миллион сом болгон 19 тонна товарлардын тийиштүү документтери жок болуп чыккан.

Керектүү документтер толтурулган соң, кармалгандар Бажы кызматынын өкүлдөрүнө өткөрүп берилген.