Таласта бир топ адамдар Жерүй кенин басып алышты (видео)

Бүгүн, 6-октябрда Талас облусунун Талас районунуна караштуу Бекмолдин айыл өкмөтүндө белгисиз адамдар тобу Жерүй алтын кенин тартып алышты. Бул тууралуу “Барометрге” тынчсызданган жергиликтүү тургундар кабарлашты.

Укук коргоо органдары маалыматты тастыкташты.

Кендин аймагына болжол менен саат 10: 30да бир топ адам кирип келип, андан кийин компаниянын  кызматкерлери качып чыгууга аргасыз болушкан.  Шахтанын басып алуучулары техниканы шахтадан түшүрүүгө аракет кылышууда.

Компаниянын бир катар кызматкерлери вахтадан качып чыгышып, жакынкы конуштарга жөө бара жатышат.

Эске салсак, "Альянс Алтын" өнүктүрүү компаниясы, ачык тендердин жыйынтыгында иштеп чыгууга лицензия алган; долбоорго бир топ каражат жумшалган.