Таалайбек Сарыбашов мэрдин милдетин аткаруучу кызматынан кетти

Таалайбек Сарыбашов Бишкек шаарынын мэринин милдетин аткаруучу кызматынан кетти. Бул тууралуу ал социалдык тармактарга маалымдаганын “Барометр” билдирет.

Сарыбашов аталган кызматта 10 күн иштеген.

Өзүнүн кайрылуусунда ал президент Садыр Жапаровго көрсөткөн ишеними үчүн ыраазычылык билдирген.

“Мен акыркы 3 жылда Ош шаарынын мэри болуп иштедим. Бишкекке жаңы пландар менен келгем. Менин кызматтан кетип жатышым эч кандай саясатка байланыштуу эмес. Бул менин айрым себептерден улам кабыл алган жеке чечимим”,-деп айтты ал.