Стамбулдагы куюн кинодогудай көрүндү (Видео)

Стамбулда катуу жааган жаандан кийин бийиктиги бир нече метрден ашкан куюн жаралды. Бул тууралуу “Барометр” TRT Haber агенттигине шилтеме берип билдирет.

“Куюндан жаралган катуу шамал бактарды кулатып, суу ташкынын жараткан. Унаалар тоголонуп, имараттар талкаланган. Ал эми жакын жайгашкан соода-базарында товарлар учуп, сатуучулары качаарга жер таппай калышкан”, - деп айтылат маалыматта.

Белгилей кетсек, Түркияда мындай жаратылыш көрүнүштөрү чанда болуп келет. Бүгүн дагы аталган өлкөдө жашаган жашоочуларга шашылыш билдирүү таркатылган. Анда жаан жаап, күн күркүрөп, куюн жаралышы ыктымалдыгы айтылган.