"Спортинг" 19-жолу Португалиянын чемпиону болду

“Спортинг” Португалия чемпионатынын 32-турунун матчында “Боавистаны” утуп, 2020-2021 сезонунун өлкө чемпиону наамын мөөнөтүнөн мурда жеңип алды. Бул тууралуу дүйнөлүк футбол федерациясы FIFAнын расмий сайтына шилтеме берип “Барометр” билдирет.

Лиссабондогу оюн 1: 0 эсеби менен аяктады. Жалгыз голду 36-мүнөттө  Полинью киргизди.

“Жалпысынан "Спортинг" 82 упай топтоду. Турнирдин аякташына эки тур калганда атаандаштары жете албай калышты. Команда лигадагы бир дагы беттеште утулган жок. Лиссабондун клубу 19-жолу Португалиянын чемпиону болду”, - деп айтылат маалыматта.

Эске салсак, акыркы жолу "Спортинг" 2001-2002 сезонундо 19 жыл мурун лиганын чемпиону болгон.