Сооронбай Жээнбеков Тайып Эрдоганды куттуктады

Кыргызстандын президенти Сооронбай Жээнбеков Режеп Тайып Эрдоганды Түркиянын президенттигине кайрадан шайланышы жана ал жетектеген "Адилеттүүлүк жана өнүгүү" партиясынын парламенттик жеңиште алдыга чыгышы менен куттуктады. Бул тууралуу өлкө башчынын маалымат кызматынан кабарлашты. 

Куттуктоодо "Шайлоонун жыйынтыктары сиз багыттаган реформаларга жана жасап жаткан иштериңизге түрк элинин көрсөткөн чоң ишеничин айгинелейт.” деп айтылган. 

Ошондой эле Жээнбеков Кыргызстан жана Түркиянын ортосундагы мамиле мындан ары өнүгөрүнө ишенимин билдирүү менен бирге президентке бекем ден-соолук жана Түркия мамлекетинин келечегине  өсүп-өнүгүү каалады.