Шайлоо участкаларынын биринде бюллетенди сүрөткө тартып алган кыз кармалды (видео)

Соцтармакка Кыргызстандагы шайлоо участкаларынын биринде мыйзам бузуу катталган видео таркады. Бул тууралуу соцтармакка жарыяланган маалыматка шилтеме берип “Барометр” билдирет.

Анда, шайлоочу бюллетенди телефонуна сүрөткө тартып алууга үлгүргөн. Байкоочулар жеринен чара көрүп, кыздын телефонундагы сүрөттү өчүртүшкөн. Шайлоочу өзү үчүн жөн эле тартып алганын айтып актанууда.

Ошону менен катары эле, милиция кызматкери да бул факт боюнча акт түзүлөрүн айтып жатканын видеодон угууга болот.