Салыктарды 2-сентябрга чейин төлөбөгөндөргө 2000 сом өлчөмүндөгү айып салынат

Салыктарды өз убагында төлөбөгөндөр үчүн 2000 сом өлчөмүндө административдик айып салынып, туум эсептелмекчи. Бул туурасында салык кызматынан билдиришти. Андыктан аталган кызмат жарандарды унаа, турак-жай, батир жана жер салыктарын төлөө мөөнөтү аяктаганга чейин төлөөгө чакырат.

Эскерте кетсек, унаа салыгын ушул жылдын 1-сентябрына чейин, турак-жай, батир жана жер салыктарын – 2-сентябрына чейин төлөө зарыл.

Салык кызматы көрсөтүлгөн мөөнөт аяктагандан кийин унаа салыгын төлөбөн салыкчыларды табуу боюнча рейд жүргүзүлүп, кыймылсыз мүлк боюнча үй жана батирлердин ар бирин кыдыраарын эскертет.