Садыр Жапаровдун ант берүү аземи салтанаттуу башталды

Кыргыз Республикасынын президенти болуп шайланган Садыр Жапаровдун ант берүү аземи башталды.

Жапаровдун президенттик кызматка расмий киришүү аземине 1 000ден ашуун коноктор чакырылган.

Учурда Садыр Жапаровдун инаугурациясы Токтогул Сатылганов атындагы Кыргыз Улуттук филармониясында салтанаттуу түрдө башталды.

Салтанатка Кыргызстандын экс-президенттери Роза Отунбаева менен Сооронбай Жээнбеков келишти.

Садыр Жапаровдун инаугурациясын 100дөн ашык өлкө түз эфирде берип жатканы айтылды.

Шайланган президент Жапаровду филармониянын алдынан “Манас” айтуу менен тосуп алды. Анан ал,  “Манастын” эстелигине таазим этип жыйындар залына багыт алды.

Ант берүү аземин чагылдырууга журналисттер киргизилген жок. Баардык ММК өкүлдөрү коомдук каналдын түз алып берүүсү аркылуу гана элге маалымат жеткирип жатышат.