Россиядагы мекендештер эми өздөрү эле авиабилеттерди түз сатып алып келсе болот

Россиядан Кыргызстанга келүүнү каалаган мекендештер элчиликке кайрылбай эле өздөрү авиабилеттерди сатып алып келсе болот. Бул тууралу элчиликтин маалымат кызматына таянып “Барометр” билдирет.

Ага ылайык, "Авиатрафик", "Аэрофлот", "Сибирь", "Тез жет" жана "Уральские авиалинии" авиакомпанияларына билеттерди расмий авиакассалары же веб-сайт аркылуу өз алдынча сатууга укук берилген.

"27-августтан баштап Кыргызстандын бардык жарандары мекенине кетүүнү кааласа элчиликке кайрылбай эле авиабилеттерди түз сатып ала алышат", — деп айтылат маалыматта.

Бүгүнкү күндө аталган авиакомпаниялардын учактары Бишкек менен Ош шаарларына каттап жатат.