Рафаэль Физиевдин күрөшү эң мыкты деп таанылды

UFC-Абсолюттук күрөш чемпионатынын турниринин алкагында Кыргызстандын аралаш күрөш стили боюнча балбаны Рафаэль Физиевдин катышуусу менен өткөн күрөш эң мыкты деп таанылды. Бул тууралуу “Барометр” маалымдайт.

Кезектеги UFC 265-туринири 7-августта Американын Техас штатындагы Хьюстон шаарында өттү. Кыргызстандык мушкер Физиев жеңил дивизиондогу мелдеште АКШлык Бобби Грин менен кармашып, жеңишке ээ болду.

Турнирдин жыйынтыгы менен бул кармаш эң мыкты деп таанылды. Эки мушкер тең 50 миң доллардан бонус алышты.

Белгилей кетсе,UFC (Абсолюттук күрөш чемпионаты) уюмунда кыргызстандык ушуну менен төртүнчү ирет жеңишке ээ болду.