Ошто жер титирөө катталды

Ош облусунун аймагында бүгүн 16-январда эртең мененки саат  06:29да күчү 3 баллга жеткен жер титирөө катталды. Бул тууралуу Өзгөчө кырдаалдар министрлиги билдирди. 

 Улуттук илимдер академиясынын Сейсмология институтунун маалыматына ылайык, жер титирөө Өзгөн районунун Чимбай, Кароол жана Мырза-Арык айылдарында  3 баллга, ал эми Өзгөн шаарында 2,5 баллга чейин сезилген. 

Алдын ала берилген маалыматка караганда жер титирөөдөн жабыркагандар жана кыйроолор катталган жок.