Ошто аялдын буту темир торчого кыпчылып калган. Видео

Ош шаарында темир торчого аялдын буту кыпчылып, ал өзү бутун чыгара албай калган. Бул тууралуу ӨКМнын басма сөз кызматы берген маалыматка шилтеме берип “Барометр” билдирет.

“Ош шаарында кечээ, 17-май күнү саат 07:35те Р.Абдыкадыров көчөсүндө жайгашкан №195 үйдүн жанындагы суу өтүүчү темир торчого (сливной люк) аял кишинин буту кыпчылып калган. Ал 1963-жылы туулган айым экендиги маалым болду”, - деп айтылат маалыматта.

Видеодо көрсөтүлгөндөй, жерине Ош шаардык куткаруу кызматынын куткаруучулары тартылып, кыпчылып калган аялдын бутун чыгарып беришкен. Учурда абалы жакшы деп айтышты.